
. اتصلت تاني. وتالت مرة. أخيرًا رد بصوت نايم
في إيه؟قلت وأنا بعيط
أحمد… أنا بتعب. صوته اتغير فورًا. إيه؟!بطني بتوجعني أوي.
.. أنا خايفة على البيبي. قال
أنا راجع حالًا. اتصلي بأي حد يوصلك المستشفى. بعد وقت حسيت إنه عمر كامل، وصلت المستشفى. دخلت الطوارئ، والممرضة أخدتني بسرعة. الدكتور طلب أشعة وتحاليل. وأنا كنت قاعدة على السرير، ماسكة إيدي في بعض، وبردد
يا رب يكون كويس… يا رب يكون كويس. الدكتور خرج من غرفة الأشعة. وشه كان هادي، لكن عينيه ما كانتش مطمنة. قرب مني. وقال
حضرتك للأسف…سكت لحظة. أنا حسيت إن قلبي وقف. إيه؟الدكتور أخد نفس طويل. الحمل انتهى.
ما فهمتش. بصيت له وأنا بحدق فيه. يعني إيه انتهى؟قال بهدوء
الحمل ما قدرش يكمل. حطيت إيدي على بطني. البطن اللي كنت كل يوم ألمسها وأنا بحلم بابني…بقت فجأة فاضية. صوتي خرج مكسور
بس أنا كنت كويسة…أنا كنت حامل. الدكتور سكت. وأنا بدأت أعيط. مش عياط هادي.
كنت بعيط كأني خسرت جزء من روحي. وفي اللحظة دي، دخل أحمد المستشفى. أول ما شافني، قرب مني. حبيبتي…رفعت عيني له. وقلت
منال أزعجتني. وشه اتجمد. إيه؟دخلت أوضتي وهي نايمة… وأزعجتني في بطني. كنت مستنية منه لأول مرة يقول لي
أنا مصدقك. لكن أحمد سكت.
وبعد ثواني، قال الجملة اللي عمري ما هنساهاله
هي كانت مش واعية يا حبيبتي…بصيت له وأنا مش مصدقة. أنا خسرت حملي. وإنت لسه بتدافع عنها؟ما ردش. وأنا في اللحظة دي……قررت انى لازم اخد حقي منها و اعرف العيلة كلها حقيقتها …………….
من يوم ما خسرت حملي، وأنا بقيت إنسانة تانية. مش بس علشان خسرت الحمل…لكن علشان في نفس الليلة، اكتشفت حقيقة كنت بحاول أهرب منها من شهور. أنا كنت عايشة وسط ناس شايفين إزعاجهم ليا حاجة عادية.
ومن ضمنهم جوزي. رجعت البيت بعد يومين من المستشفى، جسمي كان لسه تعبان، وقلبي أتعب من جسمي ألف مرة. أحمد دخل معايا
الأوضة وحط الشنطة
على الأرض. قال
نامي وارتاحي. بصيت له. أحمد… أنا مش عايزة أنام هنا.
اتنهد. ننام فين يعني؟أي مكان. إحنا في بيتنا. ضحكت ضحكة صغيرة مفيهاش أي فرحة. بيتِنا؟سكت. قلت
إنت عارف إن منال دخلت أوضتنا أكتر من مرة. كانت ماشية وهي نايمة. وأنا خسرت حملي بعد ما أزعجتني في بطني.
اتضايق. ما ترجعيش للموضوع ده تاني. بصيت له باستغراب. إنت بتقول لي ما أرجعش للموضوع؟أنا مش قصدي كده. أمال قصدك إيه؟سكت شوية، وبعدها قال
منال عمرها ما تعمل حاجة زي دي وهي واعية. هنا حسيت إن آخر حاجة كانت جوايا ناحية أحمد غابت. قلت بهدوء
وأنا عمرى ما كنت أتخيل إن جوزي هيكون أول واحد يشكك في اللي حصل لي. أنا مصدقك. لا. بصيت في عينيه. إنت مصدق إن حاجة حصلت لي، لكن مش مصدق إنها ممكن تكون أزعجتني. ما ردش. ومن اليوم ده، علاقتنا اتكسرت.
مش خناقات. مش صراخ. لكن حاجة أسوأ…بقيت باردة. بطلت أحكيله. بطلت أستناه. بطلت أطلب منه أي حاجة. وبقيت أقفل باب أوضتي بالمفتاح حتى وهو موجود في البيت. عدّى حوالي شهر. وفي يوم، وأنا قاعدة في الصالة، دخلت أم أحمد وهي مبتسمة.
قالت
يا حبيبتي، عندي خبر حلو. بصيت لها. إيه؟أخت أحمد كتب كتابها الأسبوع الجاي، والفرح بعدها بيومين. ابتسمت ابتسامة بسيطة. ربنا يتمم لها بخير. قالت
كل العيلة هتتجمع هنا يوم الفرح. سألتها
هنا؟أيوه، الفرح في البلد، والبيت مش بعيد، فإخوات أحمد وولادهم هييجوا من بدري.
هززت راسي. ربنا يسعدها. لكنها كملت
وهتباتوا هنا. بصيت لها. مين؟كلنا. سكت لحظة. يعني إيه كلنا؟ضحكت. يعني محمود ومنال، وإخوات أحمد، وولادهم… البيت هيتقلب خلية نحل. حسيت بقلبي ينقبض. قلت
وأنا هبات فين؟قالت بمنتهى البساطة
مع أحمد طبعًا. قبل ما أرد، دخل أحمد. سمع آخر جملة.
قال
أكيد. بصيت له. أنا مش موافقة. أمه اتفاجئت. ليه يا بنتي؟أنا مش مرتاحة. دي ليلة فرح أخت أحمد. أنا مش ضد فرحها. أمال؟قلت
أنا مش مستعدة أنام في بيت فيه ناس كتير بعد اللي حصل. منال كانت داخلة الصالة في اللحظة دي.
وقفت مكانها. قالت
أنا ممكن أنام في أوضة تانية. بصيت لها. لأول مرة، ما كانش في عينيها أي دموع. بس كان في حاجة غريبة…حاجة شبه الغضب. قالت
مش عايزة أكون سبب في إنك تتضايقي.
رديت
أنا مش بتكلم عنك. ابتسمت ابتسامة خفيفة. عارفة. وسكتت. أحمد قال
خلاص، كل واحدة تنام في مكان. لكن أمه قالت
إيه اللي حصل يعني؟ إحنا أهل. بصيت لها. أنا محتاجة أحس بالأمان. ما ردتش. أما منال، فبصت لي ثواني طويلة. وبعدين دخلت أوضتها. اليومين اللي قبل الفرح كانوا مرهقين.
البيت اتقلب فعلًا. مراتب في الصالة. بطاطين. شنط. أكياس هدوم. أطفال بيجروا في كل مكان. ستات داخلة طالعة. رجالة بتعلق زينة. وأنا كنت بحاول أساعد على قد ما أقدر. مش علشان أنسى. لكن علشان ما أفضلش قاعدة لوحدي مع دماغي. في وسط كل ده، بدأت ألاحظ حاجة.
منال كانت طبيعية جدًا. بتضحك. بتتكلم. بتساعد. بتتحرك في البيت. ولا مرة قالت إنها بتخاف تنام. ولا مرة قالت إنها خايفة تمشي وهي نايمة. ولا مرة حتى سألتني إذا كنت خايفة منها. وفي مرة، كنا لوحدنا في المطبخ. قالت
إنتِ لسه زعلانة مني؟بصيت لها.
إنتِ شايفة إني المفروض ما أزعلش؟سكتت. وبعدين قالت
أنا مش فاكرة حاجة من اللي حصل. قلت
عارفة. طب ليه بتبصي لي كده؟ببص لك إزاي؟كأنك مستنية مني حاجة. ابتسمت. أنا مستنية منك حاجة واحدة. اتوترت. إيه؟إنك تبقي حذرة. وشها اتغير.
من إيه؟قلت
من نفسك. سكتت. وأنا خرجت من المطبخ. ليلة الفرح وصلت. البيت كان مليان. أخوات أحمد. أولادهم. خالاته. عماته. ناس داخلة وناس خارجة. الكل مبسوط. وأنا كنت قاعدة بعيد. أحمد جه وقف جنبي. قال
هتفضلي كده طول الوقت؟كده إزاي؟لوحدك. أنا مش لوحدي. بصيت حواليّ. البيت مليان.
قال
إنتِ فاهمة قصدي. أنا تعبانة يا أحمد. طيب روحي ارتاحي. بصيت له. فين؟قال
أوضتنا. هززت راسي. هروح أنام في أوضة الضيوف. اتعصب. ليه؟علشان مرتاحة هناك. والناس هتقول إيه؟ضحكت بسخرية. الناس؟قرب مني. مش كل حاجة لازم تبقى مشكلة.
بصيت في عينه. بالنسبة لك، اللي حصل لي كان مشكلة بسيطة. وسبته. بعد الفرح، بدأ توزيع أماكن النوم. وده كان أسوأ جزء. البيت مفيهوش أوض كفاية. أم أحمد قالت
الستات يناموا في الصالة الكبيرة، والرجالة في الصالة التانية.
محمود قال
وأنا؟أمه ردت
إنت ومنال في أوضة أحمد. أحمد بص لي. أنا قلت فورًا
لا. الكل سكت. أمه سألت
ليه؟أنا هنام في أوضة الضيوف. أحمد قال
بس أوضة الضيوف صغيرة. مش
مشكلة. منال تدخلت
خليها تنام هناك. بصيت




